"Hazırda səfərbərliyə ehtiyac yoxdur".
Bunu Rusiya Prezidenti Vladimir Putin ölkənin aparıcı hərbi müxbirləri ilə görüşündə bildirib.
“Bəzi ictimai xadimlərimiz deyir ki, təcili olaraq daha bir milyon, iki milyonu yığmalıyıq. Bu, bizim nə istədiyimizdən asılıdır. Ancaq bu gün buna ehtiyac yoxdur”, - deyə Putin qeyd edib.
Putin son bir həftə ərzində Rusiya Silahlı Qüvvələri ilə 9500 nəfərin müqavilə imzaladığını bildirib və qeyd edib ki, bu şərtlər daxilində səfərbərliyə ehtiyac yoxdur.
Rusiya Prezidentinin sözlərinə görə, bu rəqəmlər hətta onun üçün də gözlənilməzdir.

Tehsil-press.az