Fransa Prezidenti Emmanuel Makron böhran vəziyyətində hakimiyyətin sosial şəbəkələri tənzimləmək və ya bağlamaq imkanına malik olduğunu bildirib.
Makron bu haqda iğtişaşlardan zərər çəkmiş kommunaların merləri ilə görüşdə danışıb.
“Sosial şəbəkələrdən qanunsuz toplantılar və ya sui-qəsd cəhdləri üçün istifadə olunan hallarda müzakirə ediləcək çox şey var”, - deyə Fransa Prezidenti bu məsələ ilə bağlı ayıq müzakirənin vacibliyini vurğulayıb.
Qeyd edək ki, iyunun 27-də Nanter şəhərində polis əməkdaşının yol hərəkətinə nəzarət zamanı 17 yaşlı əlcəzairli sürücünü güllələyərək öldürməsi ölkədə kütləvi narazılığa səbəb olub.

Tehsil-press.az