Ukrayna müharibə şəraitində ölkə Prezidenti Volodimir Zelenskinin həlak olacağı təqdirdə görəcəyi tədbirlər barədə plana sahibdir.
Ukrayna Prezidentinin Rusiya qoşunları tərəfindən mümkün zərərsizləşdirilməsi məsələsi nə Ukraynada, nə də Qərbdə gözardı edilə bilər: “Volodimir Zelenski rəsmi olaraq dövlət başçısı olmaqla yanaşı, Rusiya ilə mübarizə üçün beynəlxalq dəstəyin cəlb edilməsində açar rol oynayır”.
“Politico” yazır ki, ukraynalı məmurlar bu barədə açıq şəkildə danışmaqdan imtina etsələr də, Zelenskinin həlak olması halı ilə bağlı plan mövcuddur: “Hələ ötən il ABŞ dövlət katibi Entoni Blinken bunu faktiki olaraq təsdiq edib. Belə ki, o, müsahibələrindən birində ukraynalıların belə bir planının olması barədə danışıb”.
Ukrayna Konstitusiyasına əsasən, ölkədə Prezident öz səlahiyyətlərini yerinə yetirə bilmədikdə, Ali Radanın sədri öhdəlikləri öz üzərinə götürür.

Tehsil-press.az