Nigeriyalı üsyançılar çevrilişdən sonra tətbiq edilən komendant saatını ləğv ediblər.
Bu barədə Milli Şuranın sözçüsü polkovnik Amadu Abdraman bildirib.
“Vətənin Qurtuluşu Milli Şurası 26 iyul 2023-cü ildə tətbiq edilən komendant saatının ləğv edildiyini elan edir”, - o vurğulayıb.
Qeyd edək ki, iyulun 26-da səhər saatlarında Niger prezident qvardiyası Prezident Bazumu ölkənin paytaxtı Niameydəki iqamətgahında saxlayıb. Prezident qvardiyası Bazumun iqamətgahına girişi bağlayıb və danışıqlar aparanların onu azad etmək tələbini rədd edib. Üsyançıların prezidenti istefa ərizəsini imzalamağa məcbur etdikləri bildirilir, lakin o, bundan imtina edib.
Nigerdə ​​bütün qurumların işi dayandırılıb, ölkə sərhədləri bağlanıb. KİV-in məlumatına görə, üsyana səbəb Niger Prezidentinin prezident qvardiyasının komandiri, general Ömər Çianinin vəzifəsindən azad edilməsi məsələsini qaldırması olub.

Tehsil-press.az