Burkina-Fasonun hökumət qüvvələri son 24 saat ərzində ölkənin şimalında 20-dən çox silahlını məhv edib.
Bu barədə Burkina Faso Ordusunun Kommunikasiya və İctimaiyyətlə Əlaqələr İdarəsi məlumat yayıb.
“Əməliyyat Kosuka və Timnaore yaşayış məntəqələri ərazisində həyata keçirilib. Birləşmələrə milis qrupları və könüllülər dəstək verib”, - deyə məlumatda qeyd olunub.
Burkina-Faso və Niger hökumət qüvvələrinin hər iki ölkənin sərhəd bölgələrində birgə əməliyyat keçirməsi barədə də məlumatlar var. Burkina dövlət televiziya kanalı RTB TV-nin məlumatına görə, bir qrup yaraqlı Nigerdən motosikletlərlə Burkina-Fasoya girməyə cəhd göstərib və onların bir qismi məhv edilib.

Tehsil-press.az