Şimali Atlantika Müqaviləsi Təşkilatına (NATO) üzv olan bütün ölkələr Ukraynanın gələcəkdə Alyansa üzv olacağına razıdırlar. UNİAN müxbirinin verdiyi məlumata görə, bunu NATO-nun baş katibi Yens Stoltenberq Brüsseldə NATO-nun mənzil-qərargahında keçirilən Ukraynanın müdafiəsi üzrə təmas qrupunun (Ramşteyn-16) iclasının əvvəlində deyib.
"Biz tarixin təkrarlanmamasını təmin etmək üçün uzunmüddətli proqram tətbiq etməliyik. Bu münasibətlə bütün müttəfiqlər Ukraynanın NATO-ya üzv olacağına razıdırlar", - Stoltenberq vurğulayıb.
Alyansın baş katibi xatırladıb ki, iyulda Vilnüsdə keçirilən sammitdə üzv ölkələr Ukraynanın Üzvlük Fəaliyyət Planını yerinə yetirməsi tələbini aradan qaldırıb.
“Biz Ukrayna Silahlı Qüvvələrinin gələcək müttəfiqləri ilə tam qarşılıqlı fəaliyyət göstərməsi üçün proqram təqdim etdik”, - deyə Stoltenberq bildirib.

Tehsil-press.az