Bakı Dövlət Universitetində (BDU) Dayanıqlı İnkişaf Məqsədlərinə (DİM) dair təlim təşkil olunub.
Davamlı inkişaf üzrə ekspertlər Əhəd Kazımov və Radif Mustafayev tərəfindən aparılan təlimdə Dayanıqlı İnkişaf Məqsədlərinin effektiv icrası üçün praktiki anlayışlar və strategiyalar təqdim olunub, icrası mexanizmi barəsində məlumat verilib. Dayanıqlı İnkişaf Məqsədlərinin tətbiqi sahəsində qazanılmış nailiyyətlər və qarşıda duran çağırışlarla bağlı müzakirələr aparılıb.
Qeyd edək ki, qlobal davamlılığa töhfə, müsbət dəyişikliklərə təkan vermək üçün BDU-nun fakültələrində Dayanıqlı İnkişaf Məqsədlərinə dair müxtəlif istiqamətlərdə tədbirlər keçirilir. Bunların əsas hədəfi tələbə və müəllimlər arasında Dayanıqlı İnkişaf Məqsədlərinə dair məlumatlılığın artırılmasına və tətbiqinə nail olmaqdır.

Tehsil-press.az