Təhsil Portalının təşkilatçılığı ilə keçirilən "İlin Gənc Müəllimi-2023" müsabiqəsi yekunlaşıb.

Müsabiqənin məqsədi motivasiya dolu həyat hekayələri olan, faydalı işlər görən, şagirdləri ilə ən yaxşı nəticə göstərən orta məktəb müəllimlərini ictimaiyyətə tanıtmaq və mükafatlandırmaqdır.

Layihənin icrası 3 mərhələdə həyata keçirilir: Birinci mərhələdə gənc müəllimlər onlar üçün yaradılan forumu doldurub, özləri haqda ətraflı məlumat qeyd edib, forumda tələb olunan bütün bəndləri cavablandırıblar.

Bu il 500-ə yaxın müraciət içərisindən 100 ən yaxşı gənc müəllim seçilib. Növbəti mərhələdə isə 100 müəllimdən ən yaxşı 50 müəllimi ictimaiyyətə təqdim edilib.

Daha sonra ilk 50 nəfər arasından 10 müəllim sonuncu mərhələyə keçib.

Müsabiqənin ilk “10-luq”una daxil olan sorğu isə 3 iyun 2024-cü ildən 28 iyun 2024-cü il saat 23:59-dək davam edib.

Beləliklə, həm münsiflər heyətindən (70 bal), həm də saytda keçirilən səsvermədən (30 bal) 10 müəllim ümumi nəticə əsasında “İlin Gənc Müəllimi-2023” müsabiqəsinin qalibləri olub.

İlk 5 yerin sahibi – qaliblər aşağıdakı müəllimlərdir:

1-ci yer: Rəşad Hümbətov

Kəlbəcər rayon 28 saylı tam orta məktəbində fəaliyyət göstərir. Azərbaycan dili və ədəbiyyat fənnini tədris edir. Rəşad Hümbətov müsabiqədən 86 bal toplayıb (Münsiflər 67; Səsvermə 19).

2-ci yer: Xəzri Muradov

İsmayıllı rayonu Zaman Qarayev adına Qalınçaq kənd tam orta məktəbində çalışır. Azərbaycan dili və ədəbiyyat fənnini tədris edir. Xəzri Muradov müsabiqədən 85,8 bal toplayıb (Münsiflər 54 ; Səsvermə 31.8).

3-cü yer: Elmira Ağayeva

Bakı şəhəri, Xətai rayonu 17 nömrəli tam orta məktəbdə fəaliyyət göstərir. İbtidai sinif müəllimidir. Elmira Ağayeva müsabiqədən 65.2 bal toplayıb (Münsiflər 50.8; Səsvermə 14.4).

4-cü yer: Gülnarə Məmmədova

Beyləqan rayon Fazil Miriyev adına Araz qəsəbə tam orta məktəbində fəaliyyət göstərir. İngilis dili fənnini tədris edir. Gülnarə Məmmədova müsabiqədən 60.33 bal toplayıb (Münsiflər 58; Səsvermə 2.33).

5-ci yer: Şəfa Həsənova

Gədəbəy şəhər İ.Əliyev adına 1 nömrəli tam orta məktəbdə çalışır. Biologiya fənnini tədris edir. Şəfa Həsənova müsabiqədən 59.7 bal toplayıb (Münsiflər 47; Səsvermə 12.7).

Digər 5 yerin sahibini də ardıcıllıqla diqqətinizə çatdırırıq:

6-cı yer: Lalə Əfəndizadə

Ağdaş rayon Qəsil kənd Ramiz Hacıyev adına tam orta məktəbdə fəaliyyət göstərir. İngilis dili fənnini tədris edir. Lalə Əfəndizadə müsabiqədən 52.88 bal toplayıb (Münsiflər 50.5 ; Səsvermə 2.38).

7-ci yer: Aynur Əliyeva

Göyçay şəhər M.Füzuli adına 6 N-li tam orta məktəbdə çalışır. Azərbaycan dili və ədəbiyyat fənnini tədris edir. Aynur Əliyeva müsabiqədən 46.63 bal toplayıb (Münsiflər 44.6; Səsvermə 2.03).

8-ci yer: İlahə Hüseynova

Qax rayonu Qaratala kənd tam orta məktəbdə fəaliyyət göstərir. Azərbaycan dili və ədəbiyyat fənnini tədris edir. İlahə Hüseynova müsabiqədən 45.9 bal toplayıb (Münsiflər 35.4; Səsvermə 10.5).

9-cu yer: Dünya Veysəlova

Lənkəran rayonu Gərmətük qəsəbə tam orta məktəbdə fəaliyyət göstərir Texnologiya fənnini tədris edir. Dünya Veysəlova müsabiqədən 44.2 bal toplayıb (Münsiflər 41.9; Səsvermə 2.30).

10-cu yer: Gülçöhrə Xəlilova

Ucar şəhər N.Gəncəvi adına 3 nömrəli tam orta məktəbdə fəaliyyət göstərir. Azərbaycan dili və ədəbiyyat fənnini tədris edir. Gülçöhrə Xəlilova müsabiqədən 41.23 bal toplayıb (Münsiflər 39; 2.23 Səsvermə).

Tehsil-press.az