Yanvarın 1-də Neapol Hava Limanında kiçik bir təyyarə təcili eniş edib.

Hava limanı rəhbərliyinin verdiyi məlumata görə, səhər saatlarında "36 Bonanza" markalı təyyarə qalxışdan dərhal sonra məcburi eniş edib. Təyyarədə olan dörd sərnişin xəsarət almadan təyyarəni tərk edib.

Hava limanı ərazisində yerləşən bir neçə binanın zərər gördüyü bildirilib. Buna baxmayaraq, hava limanında əməliyyatlar normal şəkildə davam etdirilir.

Hadisənin səbəbləri ilə bağlı araşdırmalara başlanılıb. Təyyarənin təhlükəsizlik protokollarına uyğun şəkildə təcili eniş etməsi və sərnişinlərin xilas olması qəzanın ağır nəticələrə səbəb olmamasını təmin edib.

Tehsil-press.az