“Kreml Bakıdakı Rus Evinin bağlanması qərarından təəssüflənir və bu məsələnin Rusiya və Azərbaycan prezidentləri səviyyəsində təmaslar olacağı təqdirdə müzakirə oluna biləcəyini istisna etmir”.

Bu fikirləri Kremlin mətbuat katibi Dmitri Peskov jurnalistlərə açıqlamasında bildirib.

“Biz buna təəssüf edirik. Hesab edirik ki, bu, ikitərəfli təmaslarla həll oluna bilən anlaşılmazlıqdır”, - o, Rus Evinin bağlanmasını şərh edərkən bildirib.

“Biz bu məsələni müxtəlif səviyyələrdə olan həmkarlarımız qarşısında qaldıracağıq. Əgər ən yüksək səviyyədə təmaslar olarsa, biz istisna etmirik ki, bu məsələ iki dövlət başçısı arasında dialoqda qaldırıla bilər”, - Kreml nümayəndəsi qeyd edib.

Xatırladaq ki, Azərbaycan “Rossotrudniçestvo” agentliyinin (Rus Evi) ölkə ərazisində fəaliyyətinə xitam verilməsi barədə diplomatik kanallar vasitəsilə Rusiyaya rəsmi bildiriş göndərib.

Tehsil-press.az