Bakı Ali Neft Məktəbinin (BANM) rektoru Elmar Qasımov Avrasiya Universitetlər Birliyinin (EURAS) “EURAS ACADEMY” adlı proqramının açılış mərasimində iştirak edib. Rektor Elmar Qasımov tədbirdə məruzə ilə çıxış edib.
Regionun 91 universitetini birləşdirən Avrasiya Universitetlər Birliyi (EURAS) bu universitetlər arasında əlaqələrin yaradılmasını və əməkdaşlığı təşfiq edən bir qurumdur.
Avrasiya Universitetlər Birliyinin (EURAS) keçən il təşkil etdiyi quruma üzv olan ali təhsil müəssisələrinin sammitində və sərgisində də BANM təmsil olunmuşdu.
Xatırladaq ki, bu ilin yayında Avrasiya Universitetlər Birliyinin (EURAS) prezidenti, Türkiyənin İstanbul Aydın Universitetinin təsisçisi, professor Mustafa Aydın rəhbərlik etdiyi nümayəndə heyəti ilə Bakı Ali Neft Məktəbində olmuşdu.