Təltif olunan “Azəravtoyol” ASC-nin əməkdaşlarına mükafatları təqdim olundu

Təltif olunan “Azəravtoyol” ASC-nin əməkdaşlarına mükafatları təqdim olundu Azərbaycan Prezidentinin sərəncamları ilə "Əməkdar mühəndis” fəxri adı almış və "Tərəqqi” medalına layiq görülmüş “Azəravtoyol” ASC-nin əməkdaşlarına mükafatların təqdim olunması mərasimi keçirilib.
Təhsil-press.az-ın məlumatına görə, “Azəravtoyol” ASC-nin sədri Saleh Məmmədov təltif olunmuş əməkdaşları təbrik edərək bildirib ki, son illər yol infrastrukturu sektoru yeni inkişaf dövrünə qədəm qoyub, əhalinin gediş-gəlişinin, yük və sərnişin daşımasının yaxşılaşdırılmasına hesablanmış yol infrastrukturu layihələrinin icrasında avtomobil yolları işçilərinin böyük xidmətləri olub.
S.Məmmədov qeyd edib ki, hər il peşə bayramı ərəfəsində bir qrup yol təsərrüfatı işçisi fəxri adlar və medallarla təltif olunur. Prezident İlham Əliyevin fevral ayının 20-də imzaladığı sərəncamlarla Azərbaycanda yol-nəqliyyat infrastrukturunun inkişafında xidmətlərinə görə “Azəravtoyol” ASC-nin 1 əməkdaşına prezidentin fərdi təqaüdü verilib, 2 əməkdaşı "Əməkdar mühəndis” fəxri adına layiq görülüb, 17 əməkdaşı isə "Tərəqqi” medalı ilə təltif olunub: " Ölkəmizin yol infrastrukturu sahəsində əldə etdiyi uğurların təməlində heç şübhəsiz Azərbaycan Prezidenti İlham Əliyev tərəfindən davam etdirilən uğurlu xarici və daxili siyasət dayanır. Peşə bayramının təsis edilməsi və bayram ərəfəsində həmkarlarımızın bir qrupunun mükafatlandırılması ölkə başçısının yol təsərrüfatı işçilərinin əməyinə verdiyi qiymət, bu sahənin inkişafına göstərdiyi diqqətin bariz nümunəsidir. Əminəm ki, yol təsərrüfatı işçiləri də ölkə rəhbərinin sonsuz diqqət və qayğısına cavab olaraq ölkəmizin avtomobil yolları şəbəkəsinin genişləndirilməsi istiqamətində mühüm və məqsədyönlü tədbirlərin həyata keçirilməsində bundan sonra da fəal iştirak edərək, onlara göstərilən etimadı doğruldacaqlar”.
Təqdimetmə mərasiminin sonunda Azərbaycanda yol-nəqliyyat infrastrukturunun inkişafında xidmətlərinə görə təltif olunmuş "Azəravtoyol” ASC əməkdaşlarına "Əməkdar mühəndis” fəxri adının vəsiqələri və "Tərəqqi” medalları təqdim olunub.

Təhsil-press.az

Oxşar xəbərlər