Bir çox mətbəx kitabında və reseptlərində ətin kəsildikdən dərhal sonra bişirilməli olduğu barədə məlumatlar var. Hətta məişətdə “təzə ət” ifadəsi də məşhurdur. Lakin aparılan araşdırmalara görə, ətin kəsildikdən sonra dərhal bişirilməsi məcburi deyil. Çünki kəsilmiş ətdə müəyyən proseslər baş verir və dərhal sonra bişirildikdə nəticə gözlədiyimizdən fərqli ola bilər.

Əslində, dərhal bişirilən ət həm sərt, həm də dadca zəif ola bilər. Bunun səbəbi ətdəki biokimyəvi proseslərlə bağlıdır. Kəsildiyi anda ətdəki əzələ lifləri gərgin vəziyyətdə olur. Bu mərhələdə əzələ lifləri sərt olur, içindəki suyu da tutmaqda çətinlik çəkir. Nəticədə ət bişirildikdə öz şirəsini çox saxlamır və teksturası, həmçinin dadı zəif olur.

Mütəxəsislərin fikrincə, əgər ətdən maksimum zövq almaq istəyirsinizsə, səbirli olmaq prinsipi burada da özünü göstərir. Belə ki, əti dərhal sobaya atmaq əvəzinə, onun təbii yumşalmasını gözləmək şirəli və dadlı bir yeməyin sirridir.

Bəs, ət kəsildikdən sonra nə qədər gözləmək lazımdır? Qeyd edək ki, bu müddət ətin növünə görə dəyişir.

Həmin müddəti təqdim edirik:

Mal-qara əti – 12 - 24 saat

Qoyun əti – 8 - 12 saat

Donuz əti – 3 - 6 saat

Quş əti – 1 - 4 saat

Balıq əti – 5 - 8 saat

Məlumat üçün bildirək ki, hazırda ölkəmizdə ətin qiyməti aşağıdakı kimidir:

Mal əti: 17 - 22 AZN/kq

Qoyun/Quzu əti: 20 - 24 AZN/kq

Donuz əti: 17 - 18 AZN/kq

Quş əti: 6 - 9 AZN/kq

Balıq əti: 7 - 14 AZN/kq (növə görə dəyişir)

Tehsil-press.az