Birləşmiş Ştatların dövlət katibi Reks Tillersonun Türkiyəyə edəcəyi səfərin tarixi dəqiqləşib.

Sputnik Azərbaycan Timeturk-ə istinadən xəbər verir ki, Donald Trampa ən yaxın adam hesab olunan Tillerson martın 30-da Ankarada olacaq. Səfər çərçivəsində onun prezident Rəcəb Tayyib Ərdoğanla görüşü də gözlənilir.
ABŞ Dövlət Departamentinin mətbuat xidmətindən bildirilir ki, Tillerson Ərdoğanla yanaşı digər yüksək vəzifəli şəxslərlə də görüşəcək. Danışıqlarda NATO-dakı əməkdaşlıq və İŞİD terror qruplaşması ilə mübarizənin gələcəyi müzakirə olunacaq.

Təhsil-press.az