Səfər Gürcüstandakı M.F.Axundzadə adına Azərbaycan Mədəniyyəti Muzeyi və Mərkəzinin dəvətinə əsasən Azərbaycan Respublikası Mədəniyyət və Turizm Nazirliyinin dəstəyi ilə həyata keçirilib.
Səfər çərçivəsində kollektiv Tbilisi və Marneuli şəhərlərində təşkil olunan “Novruz” şənliklərində iştirak edib, konsert proqramı ilə çıxış edib, M. F. Axundzadə adına Azərbaycan Mədəniyyəti Muzeyində açılmış ‘’Bahar rəngləri’’ adlı sərgisi ilə yaxından tanış olublar. Azərbaycanın qədim mədəniyyət nümunələri-xalçaçılıq, dulusçuluq, məişət əşyaları, musiqi alətləri və rəsm əsərlərinin nümayiş etdirildiyi sərgidə məktəb kollektivi maraqlı konsert proqramı ilə çıxış ediblər.
Tədbirdə iştirak edən Gürcüstan Mədəniyyət və Abidələrin Mühafizəsi nazirinin müşaviri Qeorqi Qeqeçqoriya, Ağsaqqallar Şurasının sədri İsaq Novruzov, Azərbaycanın Gürcüstandakı səfirliyinin I katibi Elçin Məmmədov məktəb kollektivinə öz təşəkkürlərini bildirərək, onlara gələcək işlərində uğurlar arzulayıblar.
Bundan əlavə kollektiv Tbilisi və Marnuelidə açıq meydanda şəhər rəhbərlərinin iştirakı ilə keçirilən tədbirlərdə də maraqlı və rəngarəng konsert proqramı ilə çıxış ediblər.
Sumqayıt Regional Mədəniyyət və Turizm idarəsinin
Mətbuat xidməti
