Azərbaycandan gedən mikroavtobus Stavropolda yük maşını ilə toqquşub: 6 ölü, 5 yaralı
Rusiyanın Stavropol şəhərində Azərbaycandan hərəkət edən mikroavtobus qəzaya uğrayıb. Azərbaycandan Moskvaya sərnişin daşıyan "Mercedes" markalı miniven qarşı yola çıxan "ZİL" markalı yük avtomobili ilə toqquşub. Nəticədə 6 nəfər ölüb, 5 nəfər xəsarət alıb. Xəstəxanaya yerləşdirilən yaralıların vəziyyəti ağırdır.