Sənaye və Texnologiyalar üzrə Gəncə Dövlət Peşə Təhsil Mərkəzində (GDPTM) yerli və xarici ekspertlər tərəfindən təlimlər keçirilir.
Təlimlərin keçirilməsində əsas məqsəd tədrisin keyfiyyətinin yüksəldilməsi üçün beynəlxalq mütəxəssislər tərəfindən təqdim olunan müasir avadanlıqların istifadə qaydaları ilə tanışlıqdır.
Təlimlər Avropa İttifaqının maliyyə dəstəyi ilə BMT-nin İnkişaf Proqramı tərəfindən icra olunan “Gəncədə Sənaye üzrə Regional Peşə Kompetensiya Mərkəzinin yaradılmasına dəstək” layihəsi çərçivəsində təşkil olunub. Təlimlərdə Peşə Təhsili üzrə Dövlət Agentliyin əməkdaşları, GDPTM-nin müəllim-pedaqoji heyəti, tələbələr və layihənin nümayəndələri iştirak edirlər.
Layihə çərçivəsində mərkəzdə tədris olunacaq mənzil təsərrüfatı xidməti üzrə mütəxəssis, dağ-mədən işləri üzrə mütəxəssis, məişət soyuducu və istilik sistemlərinə xidmət üzrə mütəxəssis, plastik boru qaynaqçısı, tornaçı ixtisasları üzrə müasir standartlara cavab verən emalatxana yaradılıb və lazımi avadanlıqla təchiz edilib.

Tehsil-press.az