Azərbaycan Dillər Universitetində (ADU) “Müəllimlər arasında ixtisas olimpiadası”nın növbəti mərhələsi keçirilib. Tədbir Təhsildə Araşdırma və İnkişaf Mərkəzinin təşkilatçılığı, Gənclər və İdman Nazirliyi, YAP Gənclər Birliyi, Azərbaycan Tələbə Gənclər Təşkilatları İttifaqının dəstəyi və “LİBRA” kitab nəşriyyatının baş sponsorluğu ilə respublikada ilk dəfə keçirilir.
III və IV kursda pedaqoji ixtisas üzrə təhsil alan tələbələr də olimpiadada biliklərini yoxlayıblar. İxtisaslarına dərindən yiyələnən gələcəyin müəllimləri fəallıqları ilə yadda qalıblar.
Qeyd edək ki, dekabrın 21-də Azərbaycan Dövlət Pedaqoji Universitetində tələbələrlə yanaşı, hazırda işləyən və yaxud da ixtisası müəllimlik olan şəxslər öz biliklərini sınayacaqlar.
Respublikamızı əhatə edəcək layihənin növbəti mərhələsi Sumqayıt, Lənkəran və Gəncədı təşkil olunacaq. 9 ixtisas üzrə keçiriləcək olimpiadada 500-dək şəxs final mərhələsinə vəsiqə qazanacaq. Sonuncu turdan sonra qaliblərə hədiyyələr təqdim olunacaq.
Layihədən iştirak etmək istəyənlər https://taim.az/olimpiada bölməsində qeydiyyat formasını dolduraraq qeydiyyatdan keçə bilərlər.

ADU-nun Mətbuat Xidməti