Paytaxt məktəblərində 20 Yanvar faciəsinin otuzuncu ildönümü ilə bağlı tədbirlər təşkil olunacaq

Paytaxt məktəblərində 20 Yanvar faciəsinin otuzuncu ildönümü ilə bağlı tədbirlər təşkil olunacaq Paytaxt məktəblərində 20 Yanvar faciəsinin otuzuncu ildönümü ilə bağlı tədbirlər təşkil ediləcək. Müvafiq əmrə əsasən, yanvarın 17-si ümumi təhsil müəssisələrində 20 Yanvar - Ümumxalq Hüzn Gününə həsr olunmuş xüsusi dərslər keçiriləcək. Həmçinin ümumi təhsil məktəblərində 20 Yanvar faciəsinin otuzuncu ildönümü ilə bağlı mühazirə, seminar, xüsusi toplantı, Dəyirmi masa və konfransların təşkili nəzərdə tutulur. Bundan əlavə, 20 Yanvar hadisələrindən bəhs edən kitab, foto və şagirdlərin əl işlərindən ibarət rəsm sərgiləri keçiriləcək, ədəbi-bədii kompozisiyalar nümayiş olunacaq. Eyni zamanda, təhsil müəssisələrinin müəllim və şagird kollektivi şəhidlərin xatirəsinə ucaldılmış abidələri, Şəhidlər xiyabanını ziyarət edəcəklər.
Qeyd olunan tədbirlərin keçirilməsi şagirdlərdə Vətənə məhəbbət hissinin daha da möhkəmləndirilməsi, onların Vətənə layiqli övlad kimi yetişdirilməsi və əsl vətəndaş mövqeyinin məktəblilərə aşılanması məqsədlərinə xidmət edir.

Tehsil-press.az

Oxşar xəbərlər