Koronavirus xəstələrinə antibiotik nə zaman təyin olunur?

Koronavirus xəstələrinə antibiotik nə zaman təyin olunur? “COVID-19” xəstələrində ikincili bakterial infeksiya əmələ gəldikdə antibiotik təyin olunur.
Bunu Səhiyyə Nazirliyinin baş terapevti Faiq Abdullayev koronaviruslu xəstələrə antibiotik təyini ilə bağlı danışarkən deyib. O qeyd edib ki, artıq miqdarda antibiotiklərin istifadəsi həm immuniteti, həm də qanda leykosit miqdarını aşağı salır:
“Antibiotiklərin digər dərmanlar kimi çoxsaylı yan təsirləri var və bəziləri böyük problemlərə səbəb ola bilər. Ən çox görülən yan təsirlərdən biri bədəndə mövcud olan və insan üçün faydalı bakteriyaları məhv etməsidir. Məsələn, bağırsaq florasında K vitaminini sintez edən və qida maddələrinin həzm olunmasına, mənimsənilməsinə cavabdeh olan bir çox köməkçi bakteriya var. Bağırsaq florasının tarazlığı pozulursa, funksiyalarını yerinə yetirə bilmədikləri üçün müalicə alan insanlarda bağırsaq problemləri tez-tez müşahidə edilə bilər. Artıq miqdarda antibiotik istifadəsinin zərərləri - xəstəxanadaxili və ya nazokomial infeksiyaların törədicilərinin yaranmasıdır”.

Tehsil-press.az



Oxşar xəbərlər