Atmosferin yuxarı təbəqələri kiçilməyə başlayıb

Atmosferin yuxarı təbəqələri kiçilməyə başlayıb Alimlər aşkar ediblər ki, Yer kürəsi atmosferinin yuxarı təbəqələri tədricən kiçilməyə başlayıblar. Onların fikirlərinə əsasən bu, parnik qazlarının antrpogen ifrazlarının yüksəlməsinə olan cavab prosesidir. NASA-nın 3 peykindən əldə olunmuş məlumatlar nəticəsində aşkar edilib ki, 40-50 km-dən 80-90 km-ə kimi olan mezosfer təbəqəsi soyuyur və kiçilir. Alimlər uzun müddət bundan öncə antropogen iqlim dəyişikliklərinin bu cür effektini güman edirdilər. Lakin onlar bu prosesi real zaman ərzində müşahidə edə bilmirdilər.
NASA peykləri 30 il ərzində olmuş müşahidələr nəticəsində əldə edilmiş məlumatları təqdim ediblər. Həmin məlumatlara əsasən Yer kürəsinin qütbləri üzərində mezosfer təbəqəsi 10 il ərzində 10 dərəcə soyuyur və 120 metr kiçilir. Alimlərin gözləntilərinə əsasən parnik qazlarının ifrazları məsələsində dəyişiklik olmasa bu temp olduğu kimi qalacaq. Sözügedən soyuma və kiçilmə prosesi faktiki olaraq alimlər üçün heç də sürpriz olmayıb. Onlar öncədən güman edirdilər ki, sözügedən proses mövcuddur. Belə ki, süni zəka əsasında yaradılmış bir neçə model öncədən bu proseslərin mövcudluqlarını proqnozlaşdırmışdı.

Tehsil-press.az


Oxşar xəbərlər