Azərbaycan Dövlət Neft və Sənaye Universitetinin (ADNSU) tələbələrinə Azər Türk Bank ASC-nin İnsan Resursları üzrə aparıcı mütəxəssisi Hidayət Kərimov tərəfindən “Əmək bazarına uğurlu inteqrasiya və karyeranın qurulması yolları” mövzusunda master-klas keçirilib.
Tədbirin təşkilatçısı ADNSU-nun Məzun-Karyera Mərkəzinin mütəxəssisi Aytac Məlikova mövzunun əhəmiyyətini vurğulayıb, sonra nəzərdə tutulmuş istiqamətlərə uyğun olaraq mütəxəssislə tələbələr arasında fikir mübadiləsi aparılıb.
Hidayət Kərimov “Düzgün CV necə hazırlayım”, “Vakansiyalar ilə harada tanış olmaq olar”, “İş müsahibələrinə necə hazırlaşmalıyıq”, “İş müsahibələrində yol verilən səhvlər” və digər bu kimi mövzularla bağlı çıxış edib.
Sonda tələbələrin sualları cavablandırılıb.

Tehsil-press.az