“Az, amma kişi kimi yaşadı...” - Şəhid atası

“Az, amma kişi kimi yaşadı...” - Şəhid atası “Az yaşadı, amma kişi kimi yaşadı... Başımı uca elədi mənim oğlum. Mərd oğul idi... Oğlumdu deyə demirəm, əsl vətənpərvər oğul idi”.
Bu sözləri avqustun 5-də şəhid olan əsgər Samir Xudiyevlə vida mərasimində atası Səməd Xudiyev deyib.
Xəbəri rus dilində oxuyun: "Он прожил мало, но прожил, как настоящий мужчина..." - отец шехида
Şəhid atası bildirib ki, Füzuli rayonunun Əhmədalılar kəndindən məcburi köçkün kimi Bakıda məskunlaşıblar. Üç övladından birini şəhid verib: “Vətən sağ olsun! Samirin əmisi də qazi olmuşdu. Biz özümüz nə zülmlər çəkmişik. 23 yaşım var idi mən qaçqın düşəndə. Ermənilərə görə nələr yaşadığımızı danışanda oturub qulaq asırdı. Deyirdi, siz nələr çəkmisiniz. 9 ayında 10 günlük məzuniyyətə gəlmişdi, 2 gün qaldı, dedi ki, uşaqlardan ötrü darıxıram. Çox ürəkli, vətənpərvər, qeyrətli oğul idi. Yeri cənnət olsun. Allah şəhidlərə rəhmət eləsin!
...Əzab-əziyyətlə övlad böyüdürsən, qoca vaxtı bəhrəsini görmək istəyəndə, sən onun çiynində getmək istəyəndə, o sənin çiynində gedir. Ən böyük dərd budur...”

Tehsil-press.az



Oxşar xəbərlər