Ukraynanın dostları və tərəfdaşları Cənubi Afrikada keçiriləcək "İyirmilik Qrupu" (G20) sammiti çərçivəsində Tramp administrasiyasının münaqişənin həlli planını müzakirə etmək üçün görüşəcəklər.

Məlumatı Böyük Britaniyanın Baş naziri Keyr Starmer "Reuters" agentliyinə açıqlayıb. Onun sözlərinə görə, tərəflər "tam atəşkəsin təmin edilməsi" üçün "planı gücləndirməyin" yollarını araşdırmaq niyyətindədirlər.

Starmer əlavə edib ki, "səylərini Vaşinqton və Kiyevlə sıx əlaqələndirməyə davam edəcək".

G20 sammiti 22-23 noyabr tarixlərində Yohannesburqda keçiriləcək.

Tehsil-press.az