Azərbaycan Memarlıq və İnşaat Universitetində (AzMİU) tələbələr arasında şahmat turniri keçirilib. Turnir AzMİU-nun II Qarabağ müharibəsində şəhid olan məzunu Elsevər Əhədzadənin xatirəsinə həsr olunub.
Əvvəlcə AzMİU rəhbərliyi və şəhidin anası Dilbər Əhədzadə universitetdə şəhidlərin xatirəsinə ehtiram əlaməti olaraq yaradılan kompleksi ziyarət edib və önünə gül dəstələri qoyublar.
Turnirin açılış mərasimində Azərbaycan Respublikasının Dövlət Himni səsləndirilib və şəhid Elsevər Əhədzadənin xatirəsi 1 dəqiqəlik sükutla yad edilib. Şəhidimizin anası Dilbər Əhədzadə, prorektor Orxan Naqdiyev, Tələbə Həmkarlar İttifaqı Komitəsinin sədri Bayram Aslanov çıxış edərək Elsevərlə bağlı xatirələrini bölüşüblər.
Sonra turnirə start verilib. İlk oyun AzMİU-nun İnşaat fakültəsinin və İnşaat Kollecinin tələbələri arasında keçirilib. Simvolik olaraq oyunda ilk gedişi Dilbər Əhədzadə edib.

Tehsil-press.az