Rusiya təhlükəsizlik qüvvələri Moskva vilayətinin Kotelniki şəhərində məscidə soxularaq onlarla müsəlmanı saxlayıblar. Onları avtobusla hərbi komissarlıqlara aparıb hərbi xidmətlə bağlı müqavilə bağlamağa məcbur ediblər.
Müharibənin Tədqiqi İnstitutunun analitikləri öz hesabatlarında bildirirlər ki, bu yolla Rusiya hakimiyyəti Mərkəzi Asiyadan miqrantları cəlb etməklə səfərbərliklə bağlı problemləri həll etməyə çalışır.
Qeyd olunur ki, basqın zamanı binada olan “Ulduzu təkrarla” şousunun 25 yaşlı finalçısı Mamut Useinov məsciddə baş verən hadisədən danışıb. Onun sözlərinə görə, bir qrup çevik polis sənədləri yoxlamaq bəhanəsi ilə bütün kişiləri zorla avtobusa mindirərək Lyubertsı şəhərinə aparıb.
Baş Kəşfiyyat İdarəsinin məlumatına görə, bu gün Rusiyada Ukraynaya qarşı müharibəni davam etdirmək üçün hər ay 20 mindən çox insan səfərbər olunur.
Döyüşmək üçün gedən keçmiş rus məhbusları işgəncə və ölüm ağrıları altında müqavilələrini yeniləmək məcburiyyətində qalırlar.

Tehsil-press.az