Nigeriyanın şimal-şərqində “Qərbi Afrika İŞİD” qruplaşmasının Kayaya kəndinə hücumu nəticəsində 17 nəfər öldürülüb.
Yerli müdafiə qüvvələrinin nümayəndəsi Qrema Bukar hadisə nəticəsində daha beş nəfərin yaralandığını bildirib. Onun sözlərinə görə, hücuma kənd sakinlərinin qruplaşmaya xərac verməkdən imtina etməsi səbəb olub.
Qeyd edək ki, 2015-ci ildə “Boko haram” təşkilatından ayrılan “Qərbi Afrika İŞİD” qruplaşmasının əsas bazaları Nigeriyanın şimal-şərqində, həmçinin Çad, Kamerun və Nigerin Çad gölü sahillərində yerləşir.

Tehsil-press.az