Sənaye Mühəndisliyi və Menecment üzrə Avropa Tələbələri Birliyi- ESTIEM Avropa miqyasında Sənaye Mühəndisliyi və Menecment sahəsində fəaliyyət göstərən yeganə təşkilatdır. 31 ölkədən olan 79 universiteti bir araya gətirən təşkilatın Azərbaycandakı qolu- ESTIEM LG Baku təşkilatı 2011-ci ildən fəaliyyət göstərir.
Azərbaycan Texniki Universitetinin nəzdində fəaliyyət göstərən təşkilat bu ilin mart ayında özünün ilk beynəlxalq layihəsini həyata keçirib. Azərbaycanın tanıdılması, xarici ölkələrdəki universitetlərdə təhsil alan əcnəbi tələbələrin ölkəmizə gətirilməsi, turizim potensialımızın, mədəniyyətimizin, dünyadakı siyasi-iqtisadi yerimizi təbliğ edən layihə Avropa birinciliyə layiq görülüb.
“Europe3D Azerbaijan” adlı layihə ESTIEM-ə üzv olan Avropa Universitetlərinin keçirdiyi layihələr sırasında “Qışın Ən Uğurlu Layihəsi” nominasiyasında qalib olub.
Ölkəmizin tanıdılmasına xidmət edən layihənin reallaşmasında “Azərsun Holding”, “BISMAK” , “Səhliyalı” MMC və “ 1000 Bərəkət Halal Nemət” brendləri də təşkilata yaxından köməklik ediblər.

AZTU-nun Mətbuat xidməti