Nazirlər Kabineti Maliyyə Nazirliyinin işçilərinin sosial müdafiəsinin gücləndirilməsi və maddi təminatının yaxşılaşdırılması məqsədilə onun xəzinə hesabına köçürülən vəsaitdən istifadə qaydasını təsdiqləyib.

Bununla bağlı Baş nazir Əli Əsədov müvafiq qərar imzalayıb.

Qayda “Dövlət rüsumu haqqında” Qanunun 4.3-3-cü maddəsinə əsasən təsdiq edilib. Sənədə əsasən, büdcədənkənar vəsait dövlət mülkiyyəti hesab olunur və Maliyyə Nazirliyinin sərəncamında qalır. Onun sərəncamçısı dəyişdirilə bilməz. Bu vəsaitin təyinatına uyğun istifadəsi üçün Nazirlik yanında Dövlət Xəzinədarlıq Agentliyində xüsusi xəzinə hesabı açılacaq.

Bundan əlavə, büdcədənkənar vəsaitin Maliyyə Nazirliyinin Aparatı və strukturuna daxil olan qurumlar arasında bölgüsü müvafiq əmrlə tənzimlənəcək.

Tehsil-press.az