“ABŞ-ın Türkiyəyə qarşı sanksiyaları tarixi səhv idi”.

Bunu Türkiyənin xarici işlər naziri Hakan Fidan “Reuters”ə müsahibəsində deyib.

Nazir Trampın yeni siyasətinin Avropa üçün fürsət olduğunu söyləyib.

“Düşünürəm ki, Soyuq Müharibədən bizə miras qalan, əsasən ABŞ və Rusiya arasında düşmənçilik üzərində qurulmuş mentalitet böyük dəyişikliyə məruz qalacaq. Əsas aktorların artıq düşmənçilik etmədiyini və hansısa formada əməkdaşlıq etdiyini görsək, bu baş verəcək”, - Fidan qeyd edib.

O, Trampın Türkiyənin müdafiə sənayesinə illərdir tətbiq edilən sanksiyalara son qoyacağına ümid etdiyini də vurğulayıb.

Sanksiyaların aradan qaldırılmalı olduğunu bildirən H.Fidan Trampın komandası ilə hansısa həll yolunu tapa biləcəklərinə inamını ifadə edib.

Tehsil-press.az