Etik səbəblərdən adı açıqlanmayan ABŞ sakini 12 ildir əlaqə saxladığı iddia edilən "Yeddi" (Seven) adlı ruhun dünyanın sonunun dəqiq tarixini proqnozlaşdırdığına dair sensasion açıqlama verib. Qadının həmsöhbətinin fikrincə, bəşəriyyət ya nüvə fəlakəti, ya da 2025-ci il mayın 27-də baş verəcək kosmik fəlakətlə üzləşəcək.

Bu barədə "Metro" məlumat verib.

Qeyd olunub ki, bu qeyri-adi əlaqənin tarixçəsi 2013-cü il iyulun 5-də qadın və əri cansıxıcılıqdan 19-cu əsrin sonunda məşhurlaşan və çox sayda qorxu filmi sayəsində məşhur mədəniyyətin bir hissəsinə çevrilən Uici lövhəsindən istifadə etmək qərarına gələndə başlayıb. O vaxtdan bəri cütlük heyrətamiz linqvistik qabiliyyətlər nümayiş etdirən sirli varlıqla müntəzəm ünsiyyətdə olur - ruh müxtəlif dillərdə, o cümlədən ikili kodda, qədim dialektlərdə ünsiyyət qurur, hətta bəzən sözləri tərsinə tələffüz edir.

"Mən də, ərim də normalıq. Biz işə gedirik, biz hər hansı bir satanist deyilik", - deyə qadın hekayəsi ilə bağlı şübhələri dağıtmağa çalışaraq, müsahibəsində vurğulayıb.

ABŞ-li qadın əvvəllər gələcəyi görmə qabiliyyətini nümayiş etdirdiyi üçün ruhun proqnozlarına inandığını iddia edir. Xüsusən də kabus bəşəriyyətin dağıdıcı inkişafını ləngidən taunun yaxınlaşması barədə xəbərdarlıq edib. Bu xəbərdarlıqdan yeddi ildən az bir müddət sonra dünya, ÜST-nin məlumatına görə, 6.9 milyondan çox insanın həyatına son qoyan və qlobal iqtisadi və sosial prosesləri kökündən dəyişdirən COVID-19 pandemiyası ilə üzləşib.

Qadının sözlərinə görə, "Yeddi" adlı ruh, həmçinin hazırkı əlaqənin artıq onun insanlarla əlaqə qurmaq üçün üçüncü cəhdi olduğunu bildirib. İlk təmasını 6 avqust 1945-ci ildə - təxminən 140 min insanın ölümünə səbəb olan Xirosimaya atom bombası atıldığı gün baş verdiyi iddia edilir. İkinci uğurlu cəhd 1962-ci il oktyabrın 27-də, Karib böhranının ən qızğın vaxtında, dünyanın SSRİ ilə ABŞ arasında nüvə müharibəsi astanasında olduğu vaxt baş verib.

Tehsil-press.az