Ukraynada antikorrupsiya qurumlarının səlahiyyətlərini məhdudlaşdıran qanunun təsdiqlənməsi ölkədə minlərlə insanın küçələrə çıxmasına səbəb olub.

Prezident Volodimir Zelenski bundan sonra yeni qanunun bu qurumların müstəqilliyini qoruyacağını bəyan etməyə məcbur olub.

Ukraynada səlahiyyətləri məhdudlaşdırılan iki qurum 2014-cü ildə o vaxtkı prezident Viktor Yanukoviçin devrilməsi ilə nəticələnən hadisələrdən sonra yaradılıb.

Həmin qurumlar bu yaxınlarda parlament üzvlərinə, nazirlərə və Zelenskinin keçmiş köməkçilərindən birinə qarşı müxtəlif korrupsiya ittihamları irəli sürüblər.

Zelenski bu qurumların Rusiyanın nəzarəti altında fəaliyyət göstərdiyini və orada rus agentlərinin olduğunu iddia edib.

Tehsil-press.az