Növbəti mövsümdə II Liqada mübarizə aparacaq «Şirvan»a yeni baş məşqçi təyin olunub.

Şirvan şəhərinin eyniadlı təmsilçisi Pərviz Bayramova tapşırılıb.

Çempionatın debütantı adıçəkilən baş məşqçi ilə 1 illik müqavilə imzalayıb. Gənc çalışdırıcının qarşısına komandanı liqada saxlamaq tapşırığı qoyulub.

P.Bayramov keçmiş futbolçudur. O, «Bakı» akademiyasının yetirməsidir.

«Şirvan» ötən mövsüm Region Liqasında qüvvəsini sınayıb və finalda «Xankəndi»yə uduzub - 0:3.

Yeni yaranmış klub II Liqaya vəsiqə uğrunda pley-offuna çıxmalı olub və burada «Lerik»lə qarşılaşıb. Şirvanlılar 3:2 hesabıyla qalib gələrək, yarımhəvəskar turnirdə iştirak hüququ qazanıb.

Tehsil-press.az