Bu ay Şimal yarımkürəsinin gecə səmasını iki meteor yağışı və tam bədirlənmiş Ay işıqlandıracaq.

Geminid “ulduz yağışı” dekabrın 14-dən 17-dək fəal olacaq. Bu zaman “ulduz yağışı”nın sayının daha çox (saatda 120) olacağı gözlənilir. Bu ecazkar səma hadisəsini Əkizlər bürcü zonasında daha aydın müşahidə etmək mümkün olacaq.
Tehsil-press.az timeanddate.com saytına istinadla xəbər verir ki, həmçinin bu il üçün üçüncü tam bədirlənmiş Ay da dekabrın 14-nə təsadüf edəcək.
Dekabrın 22-də isə Ursida meteor axını müşahidə olunacaq. Bu zaman saatda 10 “düşən ulduz” gecə səmasını bəzəyəcək. Ulduz yağışı Kiçik Ayı bürcü “fonunda” baş verəcək.

Tehsil-press.az