Yayda 2-ci qəbul imtahanında iştirak edəcək abituriyentlərin sayı açıqlandı

Yayda 2-ci qəbul imtahanında iştirak edəcək abituriyentlərin sayı açıqlandı Azərbaycanda yayda ali məktəblərə I-IV ixtisas qrupları üzrə keçiriləcək 2-ci qəbul imtahanında iştirak etmək üçün indiyədək 58332 nəfər abituriyent ərizəsini təsdiqləyib.
Tehsil-press.az-n məlumatına görə, yay imtahanında iştirak edəcək abituriyentlərin 52953 nəfəri Azərbaycan, 5379 nəfəri rus bölməsinin abituriyentləridir.
Abituriyentlərin 22011 nəfəri I, 16854 nəfəri II, 15230 nəfəri III, 4237 nəfəri IV qrupa sənəd verib.
Qeyd edək ki, elektron ərizələrində ali təhsil müəssisələrinin I-IV ixtisas qrupları üzrə keçirilən qəbul imtahanlarının birincisində iştirak etmək istədiyini qeyd etmiş abituriyentlər ikinci imtahanda da iştirak etmək istədikləri halda, mayın 22-dək DİM-in saytının “Abituriyentin elektron ərizəsi” səhifəsində qeydiyyatdan keçməlidirlər.
Bundan əlavə, təsdiq olunmuş elektron ərizələrində ali təhsil müəssisələrinin I-IV, V ixtisas qruplarına və tam orta təhsil bazasında orta ixtisas təhsili müəssisələrinə (kolleclərə) aid üç bənddən birini və ya ikisini seçən abituriyentlərə digər bənd(lər)i də seçməyə icazə verilir.
16 mart-11 aprel tarixlərində elektron ərizə qəbulunda iştirak etməyən abituriyentlər də (həm cari, həm də əvvəlki illərin məzunları) qeyd olunan tarixədək ərizələrini doldurub təsdiq etməklə (və ya DİM və onun Regional Bölmələrində yaradılmış SQK-da təsdiq etdirməklə) ali təhsil müəssisələrinin I-V ixtisas qrupları və tam orta təhsil bazasında orta ixtisas təhsili müəssisələrinə (kolleclərə) ərizə təqdim edə bilərlər.
Müəyyən olunmuş müddətdə elektron ərizələrini təsdiq etməyən (etdirməyən) abituriyentlər imtahana buraxılmayacaqlar.

Tehsil-press.az

Oxşar xəbərlər