ABŞ-da həbsdə olan iş adamı Rza Zərrab və “Halkbank”ın keçmiş icraçı direktoru Hakan Atillanın məhkəmə prosesində gözlənilməz hadisə baş verib.
R.Zərrabın 15 sentyabr 2016-cı ildə həbsxanada olduğu zaman dayısı Əhəd Xabbazla telefon danışığının səs yazısı məhkəmə prosesi zamanı təqdim edilib.
Zərrab telefon danışğında dayısına yalan danışmaq məcburiyyətində olduğunu bildirib:
“Əgər ABŞ-da həbs edilmisənsə, azadlığa çıxmaq üçün ya yalan danışmalısan, ya da etmədiyin cinayətləri boynuna almalısan. Günahını boynuna aldıqdan sonra azadsan. Məsələ bundan ibarətdir: azad olmaq. Baş verənləri udacaqsan”.
Hazırda məhkəmə prosesi davam etdirilir.
Qeyd edək ki, korrupsiya və “çirkli pulların yuyulması”nda ittiham edilərək 2016-cı ilin martında etibarən ABŞ-da həbsdə olan Zərrab, ötən həftə hakim qarşısında dindirildiyi zaman etiraflar etmişdi.

Tehsil-press.az