ABŞ-a gətirilən Avropa avtomobillərinə vergi qoyulacaq.
Bu barədə ABŞ prezidenti Donald Tramp öz "Twitter" səhifəsində yazıb.
D.Tramp bildirib: "Əgər Avropa İttifaqı orada çalışan Amerika şirkətləri üçün onsuz da böyük olan tarifləri və maneələri daha da artırmaq istəyirsə, biz onların ABŞ-a sərbəst gətirilən avtomobillərinə vergi qoyacayıq".
Qeyd edək ki, hazırda ABŞ Avropa avtomobillərinin satışı üçün ən böyük bazardır. Avropa İttifaqında istehsal olunan avtomobillərin 25 faizi ABŞ-a gedir. Avropa avtomobillərinin ABŞ-da satış həcmi ildə 237 milyard dollar təşkil edir.
ABŞ-a gedən Avropa avtomobillərinin yarısı Almaniyada istehsal olunur. Beləliklə, vergi tətbiq olunarsa ən böyük zərər Almaniya şirkətlərinə dəyəcək.

Tehsil-press.az