Zəriflik, ülvilik, gözəllik rəmzi olan qadınlar ölkəmizdə hər zaman uca tutulub. Bütün dövrlərdə onlar öz istedadı, zəkası, iradəsi ilə milli-mənəvi dəyərlərimizin qorunub saxlanması və yaşadılmasında müstəsna xidmətlər göstəriblər.
Bu günlərdə Sənaye və İnnovasiyalar üzrə Bakı Dövlət Peşə Təhsili Mərkəzində keçirilən tədbirdə məhz 8 Mart Qadınlar Bayramına həsr olunmuşdur! Peşə mərkəzində istər təhsil alan tələbə gəncləri, istərsə də onlara peşə sirlərini öyrədən müəllimlərin çöhrəsində xoş təbəssüm, sevinc var idi. Axı onlar bu bayrama böyük həvəslə, istəklə hazırlaşmışdılar.
Hər kəs sevinir, bir-birlərini təbrik edirdilər. Güldandakı güllərin, stolu bəzəyən tort və şirniyyatında ətrinin, dadının isə yerini heç nə verməzdi.
Tədbirə toplaşanlara öz ürək sözlərini dilə gətirən mərkəzin direktoru Mətləb Hüseynov bu bayram əhval-ruhiyyəli gənc qaızları, qadın müəllimləri təbrik etdi. Onlara həyatlarında xoş günlər, ailə səadəti, xoşbəxtlik arzuladı. Və öz məzmunlu çıxışında gələcəyin peşə sahiblərinə həyatlarını, gəncliklərini boş keçirməməyə, yiyələndikləri peşəni mükəmməl, kamil öyrənmələrini tövsiyə etdi. Dövlətimizin onlara göstərdiyi qayğıdan danışdı və onlarda gözləntiləri, ümidləri doğrultmalarını arzuladı:
- Hər anın dəyərini, qiymətini bilin! Peşə təhsil mərkəzində sizin üçün hər cürə şərait yaradılmışdır. Təhsilinizi başa vurub siz bu mərkəzin ilk qaranqulşları olacaqsınız.
Aldığınız sertifikat dünyanın 19 ölkəsində tanınacaqdır.
Dizayner nədir? – yaradıcılığın məhsuludur, mən arzu edirəm siz öz həyatınızın dizayneri olasınız. Əsas odur ki, peşə öyrənmək üçün sizdə məqsəd, arzu olsun. Bu gün peşə təhsilinə dövlətimizin qayğısız hədsiz dərəcədə təqdirə layiqdir. Elə bir ölkə yoxdur ki, peşə təhsilinə bir şagird üçün 2400 manat investisiya qosulsun. Bu peşə təhsilində inqilabdır. Bu gün yaradılan şəraitədən istifadə edin, yiyələndiyiniz ixtisasın dəyərini bilin.
Mart Qadınlar Bayramı il növbədə gözəllik, xoşbəxtlik bayramıdır üzümü güclü, dözümlü olduğu qədər də incə olan, zərif, Azərbaycan xanımlarına tutub deyirəm: “Hər zaman çöhrənizdən təbəssüm, sevinc, həyatınızdan səadət əskik olmasın”. Boyük ədibimiz Hüseyn Cavid demişkən: “Qadın gülərsə, dünyamız güləcək”. Bayramınızı təbrik edirəm deyərək, kollektivi təbrik etdi.
Sonra məktəbin müəllimləri Ramella Paşayeva, Yaqutxanım Rzayeva, Aysel Mirzəbəyli, Əfsanə Babayeva “Təhsil-press.az” İnformasiya Agentliyinin rəhbəri Əkbər Hüseynzadə çıxış edərək qadınlarımıza, tələbə qızlara öz ürək sözlərini və arzularını bildirdilər.

Kəmalə Rəhimli