ABŞ prezidenti Donald Tramp dövlət katibi Reks Tillersonu işdən çıxarmasının səbəblərini izah edib.
Tramp bildirib ki, bir sıra məsələlərdə, xüsusilə də atom silahı ilə bağlı İranla razılaşmaya dair aralarında fikir ayrılığı olub:
“İranla razılaşmaya baxın. Mən hesab edirəm ki, o, dəhşətlidir. O isə hesab edir ki, hər şey qaydasındadır. Mən daha əvvəl razılaşmanı pozmaq və ya nə isə etmək istəyirdim. Tillerson isə bir qədər fərqli düşünürdü”.
Tramp qeyd edib ki, Tillersonla yaxşı yola gediblər, lakin detallarda fikir ayrılığı yaşayıblar: “Mayk Pompeo (yeni dövlət katibi) ilə bizim çox oxşar yanaşmalarımız var. Hesab edirəm ki, hər şey yaxşı keçəcək”.

Tehsil-press.az