Tədqiqatçı Darrel Miklos keçmiş NASA atstranavtı Qordon Kuperin hazırladığı xəritə əsasında atlantik okeanında araşdırmalar aparıb.
Bu xəritədə Bermuda üçbucağında maqnit anomaliyalarının intensiv olduğu yerlər qeyd olunub.
“DailyMail” xəbər verir ki, Darrel Bahama adalarından (Bermud üçbucağı olan ərazi) bir qədər kənarda, okeanın dibində qeyri-adi bir tapıntı aşkar edib. O, bu tapıntının naməlum obyekt olduğunu deyir.
Hadisə yerinə digər tədqiqatçılar gəlib. Geofiziklər həmin obyektin ən az 5000 il yaşı olduğunu deyir. Nəhəng obyektin mərkəzdən kənarlara 4463 metrə qədər uzanan hissələri var.
Darrel Miklos hazırda həmin bilinməyən gəminin yer üzünə qaldırılması üçün işlər görüldüyünü deyir:
“Bu mənim gördüyüm bütün gəmi qalıntılarından fərqlidir. Bu ümumiyyətlə indiyə qədər gördüyüm heç bir şeyə bənzəmir. Gəminin 15-ə yaxın çıxıntısı var və bunlar sanki gəminin silahlarıdır.”
Qeyd edək ki, Darrel Miklos xəzinə ovçusudur və uzun müddətdir bu işlə məşğul olur. O, bundan bir müddət öncə Xristofor Kolumbun gəmisinin qalıntılarını tapmışdı.

Tehsil-press.az