Prezident İlham Əliyev oktyabrın 22-də İmişli rayonuna səfərə gəlib.
Dövlət başçısı əvvəlcə ümummilli lider Heydər Əliyevin İmişli şəhərinin mərkəzində ucaldılmış abidəsini ziyarət edərək önünə gül dəstəsi qoyub.
İmişli Rayon İcra Hakimiyyətinin başçısı Vilyam Hacıyev prezidentə rayonda görülən abadlıq-quruculuq işləri barədə məlumat verib.
***
Prezident İlham Əliyev İmişli-Otuziki-Qaraqaşlı avtomobil yolunun və “Azərişıq” Açıq Səhmdar Cəmiyyətinin İmişli Avtomatik İdarəetmə və Nəzarət Mərkəzi açılışında iştirak edib.
***
Prezidenti İlham Əliyev oktyabrın 22-də İmişli rayonuna səfəri çərçivəsində “ASAN Həyat” kompleksinin açılışında iştirak edib. Komplekslə tanışlıq zamanı prezident İlham Əliyevə görülən işlər barədə məlumat verilib.
Dövlət başçısı İmişli “ASAN xidmət” mərkəzini işə salıb.
***
İmişlidə Heydər Əliyev Fondunun təşəbbüsü ilə inşa edilmiş 100 yerlik körpələr evi-uşaq bağçası açılıb. Dövlət başçısı açılışda iştirak edib.
Prezident körpələr evi-uşaq bağçasının rəmzi açılışını bildirən lenti kəsib və burada yaradılan şəraitlə tanış olub.

Tehsil-press.az