İngiltərənin Liverpul şəhərində 1 yaşlı uşaq anasının həyatını xilas edib. Bu barədə “Daily Mail” nəşri xəbər verib.
İki uşaq anası olan 37 yaşlı Coan Karr övladının onun sağ döşündən süd içməməyi səbəbindən həkimə müraciət edib. Pasiyentə baxış keçirən tibb işçiləri onun döşünün süd kanalında xərçəng şişi aşkar edib.
“Oğluma həyatımı borcluyam. Bu, əsl möcüzə idi. Cuci olmasaydı, mənim şişdən xəbərim olmazdı. Heç şübhəsiz ki, o, mənim həyatımı xilas edib”, - deyə ana bildirib.
Ana lazımi müalicəni aldıqdan sonra 2018-ci ilin martında onun döşündəki xərçəng hüceyrələrini də əməliyyatla götürüblər. Həmin ilin aprelində onun səhhəti qaydasına düşüb.

Tehsil-press.az