Sumqayıtda gənc qadın anası ilə əlbir olaraq körpəsini öldürüb.
Tehsil-press.az xəbər verir ki, şəhərin H.Z.Tağıyev qəsəbəsində 22 yaşlı Səbinə İsmayılova yeni dünyaya gətirdiyi oğlan uşağını anası 56 yaşlı Nigar Salmanova ilə birlikdə öldürərək həmin qəsəbədə yerləşən qəbiristanlıqda basdırıb.
Faktla bağlı şəhər prokurorluğunda araşdırma aparılır.
Körpənin meyiti basdırıldığı yerdən çıxarılıb.
***
Sumqayıtda gənc qadının anası ilə birgə birləşib körpə övladını öldürməsi ilə bağlı yayılan məlumatın təfərrüatları bəlli olub.
Tehsil-press.az-n hadisə yerində olan əməkdaşlarının əldə etdiyi məlumata görə, uşaq iki gün əvvəl ölüb.
Ailənin yaxınlarının sözlərinə, körpə iki ay yarımlıq imiş:
"Ananın çəkisi çoxdur. Ona görə də, yatdığı yerdə körpə onun altında qalaraq ölüb. Ana qorxuya düşüb və heç kimə demədən onu qəbiristanlıqda basdırıb. Dünən qəbiristanlığın işçiləri bunu görüblər. Bu zaman polisə məlumat verilib. Ana saxlanılmayıb, çünki öldürülmə faktı yoxdur”.

Tehsil-press.az