Ukrayna Nazirlər Kabineti koronavirus səbəbindən tətbiq edilən karantin rejiminin sərtləşdirilməsi barədə qərar qəbul edib. Bunu Ukraynanın Səhiyyə naziri Maksim Stepanov açıqlayıb.
"İnsanların küçədə olduqları vaxt ərzində hərəkətlərinə məhdudiyyət qoyulacaq, bütün idman meydançaları, bütün meydanlar bağlanacaq, kütləvi tədbirlər qadağan ediləcək", - Stepanov “Pravo na vlast” verilişinin efirində deyib.
Bundan əlavə, onun sözlərinə görə, Nazirlər Kabineti ukraynanıları fərdi qorunma vasitələri taxmağa məcbur edəcək, həmçinin uşaqla bərabər gəzmək və ya kiməsə yardım etmək istisna olmaqla, ikilikdə hərəkət etməyi qadağan edəcək.
Stepanov qeyd edib ki, hökumətin müvafiq qərarı cümə günü açıqlanacaq.

Tehsil-press.az