Rusiyada son sutka ərzində daha 5 841 nəfərdə koronavirusa yoluxma faktının aşkarlanması ilə yoluxanların ümumi sayı 99 399-a çatıb.
Bu barədə Rusiya hökumətinin koronavirusla mübarizə üzrə operativ qərargahı açıqlama yayıb.
Yoluxanların sayına görə bu dəfə də Moskva şəhəri liderlik edir. Burada sutka ərzində 2 220 nəfərdə koronavirus aşkarlanıb.
Ölkə üzrə xəstəlik səbəbindən həyatını itirənlərin sayı isə ötən gün ərzində daha 108 nəfər artaraq 972-yə çatıb. Bununla yanaşı, son 24 saat ərzində xəstəlikdən sağalanların sayı daha 1 830 nəfər artaraq 10 286-ya çatıb.
Qeyd edək ki, dünya üzrə koronavirusa 3 148 157 insan yoluxub, 218 357 nəfər xəstəlik səbəbindən həyatını itirib.

Tehsil-press.az