Azərbaycan İlahiyyat İnstitutunda “İslama görə qadının dəyəri” mövzusunda vebinar keçirilib.
Tədbirdə İslamşünaslıq kafedrasının müəllimi, fəlsəfə üzrə fəlsəfə doktoru Faiq Əhmədzadə mövzu ətrafında məruzə ilə çıxış edib.
F.Əhmədzadə İslamın qadına verdiyi dəyərdən danışıb, “Qurani-Kərim”dən və hədislərdən nümunələr gətirib. Məruzəçi qadınlara qarşı göstərilən zorakılıq hallarından bəhs edib, “Qurani- Kərim”də belə hallara qarşı ayələrin mövcud olduğunu bildirib. Qeyd edib ki, İslam dini qadına qarşı zorakılığın bütün üsullarını qadağan edir. İslam dini qadına ehtiramla yanaşır və böyük dəyər verir.
Vebinar mövzu ətrafında müzakirələrlə davam edib.

Tehsil-press.az