Azərbaycan Texniki Universitetində təkrar ali təhsil üçün sənəd qəbulu davam edir

Azərbaycan Texniki Universitetində təkrar ali təhsil üçün sənəd qəbulu davam edir Azərbaycan Texniki Universitetində (AzTU) 2021/2022-ci tədris ilində 26 ixtisas üzrə qiyabi formada təkrar ali təhsil almaq üçün sənəd qəbulu davam edir.
Sənədlərin qəbulu avqustun 31-dək onlayn formada həyata keçiriləcək. Universitetdə beynəlxalq ticarət və logistika, iqtisadiyyat, marketinq, menecment, cihaz, ekologiya, elektrik və elektronika, energetika, həyat fəaliyyətinin təhlükəsizliyi, informasiya təhlükəsizliyi, informasiya texnologiyaları, kompüter mühəndisliyi, habelə kimya, logistika və nəqliyyat texnologiyaları, maşın, materiallar, mədən, metallurgiya, mexanika, mexatronika və robototexnika sahələri üzrə mühəndis, eləcə də mühəndis fizikası, nəqliyyat, proseslərin avtomatlaşdırılması, radiotexnika və telekommunikasiya, sənaye mühəndisliyi, nəqliyyatda servis (avtomobil nəqliyyatı üzrə) ixtisasları üzrə qəbul aparılır.
Təkrar ali təhsil almaq istəyənlər tələb olunan sənədləri AzTU-nun saytının əlavə və distant təhsil bölməsindən və ya müvafiq linkdən qeydiyyatdan keçib yükləyə bilər. Həmçinin rektorun adına ərizə, diplom və əlavəsinin surəti, şəxsiyyət vəsiqəsinin surəti, 3 ədəd fotoşəkil (3x4 ölçüdə) təqdim edilməlidir.
1993-cü ildən sonra xaricdə ali təhsil almış məzunlar diplomlarının Azərbaycan Respublikası ərazisində tanınması və ekvivalentliyi barədə Təhsil Nazirliyi tərəfindən verilmiş şəhadətnamənin surətini təqdim etməlidir.
Təkrar ali təhsil ödənişli əsaslarla aparılır və təhsil haqqı ixtisaslara uyğun olaraq müqavilə əsasında ödənilir.

Tehsil-press.az




Oxşar xəbərlər