Macarıstan iqtisadiyyatın və cəmiyyətin rəqəmsallaşma səviyyəsinə görə Avropa ölkələri arasında ilk mövqelərə çıxmaq üçün hələ çox iş görməlidir.
IT-ekspert İştvan Kellerin “Madyar Nemzet” qəzetinin bugünkü nömrəsində dərc olunmuş məqaləsi bu mövzuya həsr edilib. Araşdırma nəticəsində məlum olub ki, 2021-ci ilin yekunlarına görə, Avropa İttifaqının üzvü olan 27 dövlət arasında Macarıstan 23-cü yeri tutur.
Avropa Komissiyasının fevralın 1-də dərc edilmiş məruzəsində göstərilir ki, bu ölkə rəqəmsal texnologiyaların korporativ inteqrasiyası baxımından Avropa İttifaqının üzvü olan dövlətlərin əksəriyyətindən geri qalır.
Rəqəmsal dövlət xidmətləri baxımından vəziyyət bir qədər yaxşıdır. Hər bir dövlətin rəqəmsal inkişafının məcmu göstərici olan orta əmsala görə Macarıstan Avropa İttifaqında 23-cü yeri tutur.

Tehsil-press.az