SEPAH-ın Qüds briqadasının komandanı, general Qasım Süleymani 500 amerikalının öldürülməsini planlaşdıranlar arasında idi.
Bunu ABŞ-ın sabiq dövlət katibi Mayk Pompeo “Əl Ərəbiyə” telekanalına açıqlamasında deyib.
“ABŞ-ın o dövrdəki rəhbərliyi də bu sui-qəsdi aradan qaldırmaq üçün Süleymanini öldürdü”, - Pompeo bildirib.
Sabiq dövlət katibi həmçinin qeyd edib ki, ABŞ rəhbərliyi Süleymanini öldürəcəkləri təqdirdə, bu vəziyyətin müharibəyə səbəb olacağı barədə də xəbərdarlıqlar alırdı:
“ABŞ İraqdakı varlığını və Suriyadakı vətəndaşlarını qorumaq üçün uzun müddət çalışıb. Biz SEPAH-ın Qüds briqadasının hərəkətlərini daim izləmişik. ABŞ-a məxsus obyektlərə, eyni zamanda vətəndaşlara qarşı qaçılmaz hücumu dayandırmaq imkanı əldə edənə qədər Süleymaninin öldürülməsi layihəsi üzərində daim çalışmışıq. Bu səbəblə də ABŞ rəhbəri Süleymaninin öldürülməsi əmrini verdi”.
Xatırladaq ki, 2020-ci ilin yanvar ayında Bağdadda ABŞ-ın endirdiyi raket zərbələri nəticəsində İran İslam İnqilabı Keşikçiləri Korpusunun (SEPAH) Qüds briqadasının komandanı, general Qasim Süleymani öldürülmüşdü.

Tehsil-press.az