Həftə sonu ABŞ-da 1500-ə yaxın reys ləğv edildi

Həftə sonu ABŞ-da 1500-ə yaxın reys ləğv edildi ABŞ-da 19 iyunun federal bayram kimi qeyd olunması ilə əlaqədar səyahət intensivliyi artıb, digər tərəfdən isə sərt hava şəraiti və kadr çatışmazlığı səbəbindən uçuşların təxirə salınması problemlər yaranıb.
Bu haqda ABŞ Nəqliyyat Təhlükəsizliyi Administrasiyası məlumat yayıb.
Məlumata görə, iyunun 17-də hava limanlarında 2 milyon 440 minə yaxın sərnişin yoxlanılıb.
Digər tərəfdən uçuşların təxirə salınması və gecikməsi hava limanlarında xaos yaradıb.
Uçuşları izləyən “FlightAware”in məlumatına görə, iyunun 17-də təxminən 1500 reys ləğv edilib, 9 minə yaxın reys gecikib.
Ləğv və gecikmələrə ölkənin müxtəlif bölgələrində kəskin hava şəraiti, kadr çatışmazlığı və COVID-19 epidemiyası ilə bağlı aviaşirkətlərdəki infrastruktur çətinlikləri səbəb olub.
Aviaşirkətlərin nümayəndələri ilə görüşən ABŞ-ın nəqliyyat naziri Pit Buttiqiq hökumətin istehlakçıların hüquqlarının müdafiəsi standartlarına əməl etməyən aviaşirkətlərə qarşı sanksiya tədbirləri, o cümlədən cərimələr tətbiq edə biləcəyini bildirib.

Tehsil-press.az



Oxşar xəbərlər